IKER CASILLAS AREJEA UWANJANI NA KUONDOKA KATIKA DAKIKA YA 15 BAADA YA KUPATA JERAHA

Golkipa Number 1 wa Klabu ya Real Madrid Iker Casillas ambaye amekuwa nje ya uwanja kwa kipindi kadhaa na ambaye Kocha wa Klabu hiyo aliamuwa kumpa nafasi katika mechi baina ya Real Madrid na Galatasaray ya Uturuki, aliondolewa nje ya uwanja katika dakika ya 15 baada ya kugongana na mchezaji mwenzake Sergio Ramos. Casillas alionekana mwenye huzuni sana wakati anaondoka uwanjani. Hata hivo hana kinyongo na Ramos kama jinsi picha inavyoonyesha na ambayo aliweka kwenye mtandao wake wa kijamii wa Twitter na kusindikiza na maneno: Kuna mtu anataka kuniuwa leo. Real Madrid ilishinda mechi hiyo kwa mabao 6-1