BUS LA TAQWA BUJUMBURA-DAR ES SALAAM LAANGUKA KATIKA MTEGO WA MAJAMBAZI

Bus la Kampuni ya Usafiri la Taqwa lililokuwa na abiria 51 likisafiri kutokea jijini Bujumbura nchini Burundi kuelekea Dar es Salaam Tanzania, usiku wa jana kuamkia leo Jumatano Octoba 2, limetekwa na majambazi katika eneo la Mirade kata ya Iguguno Mkoani Singida.

Majambazi hao waliweka mawe makubwa barabarani na kuyafunika kwa majani. Dereva wa Bus hilo aligonga mawe hayo na hivo tairi za bus hilo kupasuka na kusababisha bus hilo kuanguka kwenye korongo.

Majambazi hao walilazimisha abiria kushuka ndani ya Bus mmoja baada ya mwingine.

Kwa Mujibu wa kamanda wa Polisi katika Mkao wa Singida Joseph Kamelwa, takriban dola za Marekani elfu moja, Shilingi za Tanzania milioni tano na franka za Burundi laki mbili, zimeporwa

Abiria 20 wamejeruhiwa kwa kupigwa, huku vitu mbalimbali vya thamni vikiporwa. 

Polisi inaendelea na uchunguzi kubaini wahusika.